Оңтүсітік Қазақстан облысының полицейлері Сарыағаш ауданындағы бірнеше қарақшылық шабуыл оқиғаларына күдікті деп танылған екі азаматты құрықтады.
21 шілде күні, Сарыағаш аудандық ішкі істер басқармасының кезекші бөліміне 1983 жылы туылған жергілікті тұрғынның жылыжайына қарақшылық шабуыл жасалғаны туралы хабарлама түсті.
Оқиға орнына жеткен полиция қызметкерлерінің анықтағаны, түнгі уақытта беттеріне бетперде киген және қаруланған белгісіз тұлғалар оның шаруашылық алқабына баса-көктеп кіріп, жұмысшыларды ұрып-соғып, қарумен қорқытып, ұялы телефондары мен екі бас қойды алып, содан соң «БМВ» автокөлігіне мініп, оқиға орнынан бой тасалаған. Жәбірленушілерге жалпы 200 мың теңгеден астам шығын келген.
Сарыағаш аудандық ішкі істер басқармасының қызметкерлері жедел-іздестіру іс-шаралары барысында күдікті 1986 және 1988 жылдары туылған жергілікті тұрғындарды құрықтады. Олардың бірі алдында сотты болған. Күдіктілерден табылған травматикалық қару мен автокөлікті полицейлер айғақ зат ретінде тәркіледі.
Аталған жайт ҚР Қылмыстық кодексінің 2 бабымен, 192-бап – «Қарақшылық» және 287-бап – «Қаруды, оқ-дәрілерді, жарылғыш заттарды және жарылыс құрылғыларын заңсыз иемдену, беру, өткізу, сақтау, тастамсталдау немесе алып жүру» бойынша қылмыстық іс қозғалды. Күдіктілер қамауға алынды.
Қазіргі таңда тәртіп сақшылары қарақшылық шабуылға қатысы бар басқа да күдіктілерді іздестіруде. Сотқа дейінгі тергеу амалдары жүргізіліп жатыр.