Шымкент қаласы маңында тәртіп сақшылары 38 жастағы азаматты 3 келі марихуанамен ұстады.
Бұл туралы Оңтүстік Қазақстан облысы ішкі істер департаментінің баспасөз қызметі хабарлайды.
Облыстық ішкі істер департаментінің Есірткі бизнесіне қарсы күрес басқармасы және Шымкент қалалық ішкі істер басқармасы есірткімен күрес басқармасының қызметкерлері жедел-іздестіру іс-шаралары барысында Ынтымақ ауылының аумағында 1978 жылы туылған азаматты аса ірі көлемдегі есірткі затын сақтады деген күдікпен құрықтады.
Сот-криминалистикалық сараптама қорытындысына сай, табылған есірткі затының жалпы салмағы 3 келіден астам марихуана екенін анықтады.
Аталған жайт бойынша ҚР Қылмыстық кодексінің 296-бабы, яғни «Есірткі, псхотроптық заттармен, сол тектестермен, прекусорлармен өткізу мақсатынсыз заңсыз жұмыс істеу» бойынша іс қозғалды. Күдіктінің қолына ешқайда кетпеу туралы қолхат табыс етілді. Сотқа дейінгі тергеу амалдары жүріп жатыр.