Оңтүстік Қазақстан облысының тәртіп сақшылары Жәзира Жаппарқұлмен кездесті

99 просмотров

Оңтүстік Қазақстан облысы ішкі істер департаментінің өкілдері Рио Олимпиадасының күміс жүлдегері Жазира Жаппарқұлмен кездесті.
Бұл туралы облыстық ішкі істер департаментінің баспасөз қызметі хабарлады.

Оңтүстік Қазақстан облысы ішкі істер департаментінің бастығы, полиция полковнигі Жанат Сүлейменов жерлесінің Олимпиададағы жеңісімен құттықтап, оған «Динамо ДШСО — 90 жыл» атаулы медалін тақты. Одан тыс теледидар және өзге де бағалы сыйлықтарды табыс етті.

Өз кезегінде Жазира Жаппарқұл да полиция қызметкерлеріне жылы қабылдауларына алғыс білдіріп, жұмыстарына сәттілік тіледі.

Кездесуден соң полицейлер бейресми түрде спортшымен әңгіме құрып, естелік суреттерге түсті.

Загрузка...