Оңтүстік Қазақстан облысының полиция қызметкерлері 45 түп қарасораны тәркіледі

26 просмотров

Оңтүстік Қазақстан облысы Төрткөл ауылындағы мақта егістігінің ортасына тығып, қарасора өсіріп келген азамат ұсталды.

Оңтүстік Қазақстан облысы ішкі істер департаментінің Ордабасы аудандық ішкі істер басқармасына жергілікті тұрғындардың бірі құрамында есірткі заттары бар өсімдіктер өсіретіні туралы хабарлама келіп түсті.

Ордабасы аудандық ішкі істер басқармасының қызметкерлері жүргізген жедел-іздестіру іс-шаралары кезінде Төрткөл ауылындағы мақта егістігінің орта тұсында қарасора егілген алқап анықталды.

1985 жылы туылған жергілікті тұрғынға тиесілі бұл алқаптан полицейлер 45 түп қарасораға ұқсас өсімдікті анықтап, айғақ зат ретінде тәркілеп алды.

Сот-криминалистикалық сараптамасы жалпы салмағы 18 келіні құрайтын құрамында есірткі заттары бар «қарасора» өсімдігі екенін анықтады.

Аталған жайт бойынша ҚР Қылмыстық кодексінің 300-бабы, яғни «Құрамында есірткі заттары бар, өсіруге тыйым салынған өсімдіктерді заңсыз егіп-өсіру» бойынша қылмыстық іс қозғалды. Күдіктінің қолына ешқайда кетпеу туралы қолхат табыс етілді.

Сотқа дейінгі тергеу амалдары жүргізілуде.

SAMSUNG CSC
SAMSUNG CSC
Загрузка...