Оңтүстік Қазақстан облысында бензин құйылған 12 цистерна отқа оранды (видео)

83 просмотров

Оңтүстік Қазақстан облысында бензин құйылған 12 цистерна отқа оранып, алапат өрт болды. Құтқарушылар тілсіз жаумен әлі арпалысып жатыр.

Бұл туралы ҚР ІІМ төтенше жағдайлар комитетінің ресми өкілі Руслан Иманқұловқа сілтеме жасап, ҚазАқпарат хабарлады.

Төтенше жағдайға үшінші деңгей белгіленді, бұл аса қауіпті дегенді білдіреді. Өрт Қарабұлақ ауылына жақын маңында шыққан. Көршілес кәсіпорындағы жұмысшылар жұмыс орнын тастап, кетіп жатыр.

«Мұнай» ЖШС мұнай базасында өртенген бензин құйылған 12 цистерна мен сорғы стансасындағы өрт ауыздықталып жатыр. Жалынмен күреске 100-ге жуық өрт сөндіруші мен 20 техника жұмылдырылды», — деді Руслан Иманқұлов.

Түскі сағат 13.00-де жалынның тарауы толықтай ауыздықталды. Өртті сөндіру жұмыстары жалғасып жатыр.

Загрузка...