Нью-Йорк мэрі Билл де Блазио 17 қыркүйекте Манхэттен аралығының орталығындағы Челси ауданында қолдан жасалған жарылғыштың жарылуын “ұйымдастырылған әрекет” деп атады. Жарылыстан 29 адам жараланды, оның бірі ауыр халде жатыр. Де Блазио оқиғаны теракт деп атаудан бас тартты.
Тергеушілердің бірінің Associated Press агенттігіне хабарлауынша, оқиға орнынан мобильдік телефонмен сым арқылы жалғанған жылдам қайнатқыш табылған. Осы тәріздес қолдан жасалған жарылғыш 2013 жылы Бостондағы марафон кезінде қолданылған еді. Сарапшы Челсидегі жарылыстың Нью-Джерсиде құбырдың жарылуына байланысты еместігін айтты. Нью-Джерсидегі оқиға да 17 қыркүйекте мыңдаған адам қатысқан қайырымдылық марафоны кезінде тіркелді.