Ниццада мерекеге жиналған қауымды жапырған жүк көлігінің жүргізушісі анықталды (видео)

70 просмотров

Ниццада Бастилияны алу күнінде отшашуды тамашалаған бір топ қауымға қойып кеткен жүк көлігінің жүргізушісі туралы ақпараттар жариялана бастады.

Nice Matin жергілікті басылымының келтірген дерегі бойынша, жүк көлігінің тізгінінде Тунистің тумасы, бүгіндері Ниццаның 31 жастағы тұрғыны болып шықты.

iTele телеарнасы бұл адамның бұрын да құқық қорғау органының назарына ілінгенін хабарлайды. Бірақ ол майда-шүйде қылмыспен ұсталған екен. Оның аты-жөні күдікті лаңкестердің тізімі қатарында жоқ.

РИА Новости агенттігінің дерегіне сүйенсек, кеше Францияның Ницца қаласында Бастилияны басып алу Күніне орай отшашуды көруге жағалауға жиналған адамдарға қарай жүк көлігі қойып кеткен.

Қайғылы оқиғаның куәгерлері жүк көлігінің от шашуды тамашалап тұрған қауымды боулингтегі кеглдерді жапырған секілді өте шыққанын айтады.

БАҚ-тардың мәліметінше, оқиға жергілікті уақыт бойынша 22.30-да болған. Осыдан кейін жүк көлігіндегілер адамдарға оқ жаудырған. Жергілікті билік Ницца тұрғындарын үйден шықпауды сұрап отыр.

Басында теракт кезінде 10 адам мерт болды десе, бүгін оның саны 80-ге жетіп отыр.

Ниццада терактінің орын алуына байланысты Францияда жарияланған төтенше жағдай үш айға созылды.

ҚР Премьер-министрі Кәрім Мәсімов бұл қайғылы оқиғаға байланысты Франция халқына көңіл айтты.

Загрузка...