Қазақстанда киім киісі мен жүріс-тұрысы үшін әрдайым сынға қалып жүретін Ninety one тобы Түркияның танымал музыкалық телеарналарының бірі ұйымдастырған ТОП-20 тізімінде топ жарыпты.
Жеңіпаздардың рейтингісі ТМB музыкалық арнасының сайтында жарияланған екен. Қуанышты жаңалықты топтың продюсері Ерболат Беделхан өзінің әлеуметтік желідегі парақшасында жазды.
Айта кетелік, ТОП-20 рейтингісі 91 тобынан бөлек Әли Оқапов пен Кешью топтары да енген. Әли 6-шы орыннан көрінсе, Кешью тобы 14 орынға тұрақтапты. Өз кезегінде Түркияның танымал әншісі Мұстафа Сандал рейтингтің соңынан орын алған.
Желі қолданушылары Ninety one тобының жетістігіне қуанып жатыр. “Мұндай рейтингіде топ жару оңай емес” дейді олар.