Елбасының шөбересі дүниеге келді. Бұл сүйінші жаңалықты Айсұлтан Назарбаевтың өзі мәлімдеді.
Ол қойнына сыймаған сүйінші хабарын Facebook-тегі жеке парақшасында жазып қалдырыпты.
«Достар, бұл – өмірімдегі ең керемет күн. Оны өздеріңізбен бөліскім келеді. Кеше түнде менің сүйікті жарым маған қыз сыйлады. Тұңғышымның өмірге келген сәтін күту кезіндегі ішкі толқынысымды ешнәрсемен салыстыра алмаймын. Құдайдың бергені, ғажайып сыйы. Ол үшін шексіз алғыс айтамын!
Бұл жайлы алдын ала айтқым келген жоқ. Ырымшылмыз. Кез келген қарапайым адам баласы секілді мен үшін де отбасым – ең қымбат. Ал біреулер үшін басқаша болса, өкінішті.
Аллаға шүкір, бұл сәт те келді. Қыз бала өмір есігін ашты», – деп жазады Айсұлтан Назарбаев өзінің Facebook желісіндегі парақшасында.
Қыркүйек айында да Мемлекет басшысы Нұрсұлтан Назарбаев шөберелі болған. Ол кезде Елбасының өзге немересі Нұрәли Әлиев әке атанып еді.