«Мықты болсаң, мендей бол!». Артық майы жоқ Майғазиев мақтанып жүр

336 просмотров

Әнші Сәкен Майғазиев турникке асылған видеосын жариялап, өз әріптестеріне қарата: „Мықты болса, осы эстафетаны жалғастырып әкетіңдер„ деп мәлімдеді.

Эстафаны ұсыну туралы әншінің бұл видеосы Инстаграмдағы жеке парақшасында жарияланды.

Онда ол аяғын жоғары көтеріп, қолын бүккен қалпы турникте асылып тұрады және басқа жолдастарынан осылай қайталауды сұрайды.

«Эстафетаны Нүркен Өтеуіловке, Азамат Сатыбалдыға және Бағлан Әбдірайымовке жолдаймын. Осылай, бір минут тұру керек», — дейді ол.

Бір қарағанда бұл оңай жаттығу секілді көрінгенімен, әсіресе Сәкеннің жасындағы жігіттер үшін турникті ұстап, ауада 1 минут өз денесін көтеріп тұру біршама еңбек көрінеді. Сондықтан арнайы спортпен шұғылданбай жүргендер үшін мұндай жекпе-жекті қабылдау да қиын болуы тиіс.

«Өзге оқырмандарым да қабыл алса, қуанар едім. Спорт — сергектік кепілі», — деп жазды баршаны салауатты өмір салтын ұстануға шақырған әнші.

Загрузка...