«Мұражайдағы түн-2016» акциясы өтеді

55 просмотров

ҚР Ұлттық мұражайында 18-мамыр күні Халықаралық мұражай күніне орай, «Мұражайдағы түн-2016» акциясы өтеді. Бұл туралы Ұлттық мұражайдың ақпараттық-имидждік қызметі хабарлады.

AVG_4479

Акция барысында Ұлттық мұражай қонақтары үшін көне және қазіргі Қазақстанның тарихы және мәдениетімен таныстыратын барлық залдарға тегін экскурсиялар ұйымдастырылады. Сондай-ақ, қазақстандық эстрада жұлдыздарының қатысуымен концерттік бағдарлама ұсынылады. Мерекелік шара лазерлік шоумен аяқталады.

Айта кетейік, бүгінгі таңда «Мұражайдағы түн» акциясын өткізу әлемнің 40-тан астам елінде дәстүрге айналған. Қазақстандағы бірқатар мұражайлар да бұл атаулы датаны үлкен дайындықпен қарсы алады. Ұлттық мұражай аталмыш іс-шараны осымен екінші рет өткізгелі отыр. Өткен жылы дәл осы акцияға 23 мыңнан астам адам қатысқан болатын.

Загрузка...