“Қазақстан” телеарнасындағы “Айтуға оңай” бағдарламасының кезекті саны “Ана орнына ана болғандар” деген тақырыпқа арналыпты.
Осы бағдарламаға қатысты танымал әнші Абай Бегей өз басынан өткен ауыр жағдаймен тыңдармандармен бөлісіп, осыдан екі жыл бұрын өмірден өткен жан жарын сағынып жүргенін әрі екінші рет үйленуге дайын еместігін айтты.
Абай Бегей марқұм жарымен 19 жасында бас қосқан. Екеуі 4 баланы тәрбиелеп өсіріп келе жатты. Тұңғыштары қазір 20 жаста.
“Жалғыздық құдайға ғана жарасқан. Абай, екінші рет үйлену ойыңда бар ма?” деген жүргізуші сауалына әнші бұған әлі әзір еместігін айтты.
“Әйелім өмірден өткеннен кейін көп уақыт өзіме келе алмай жүрдім. Сонда да болса балаларыма аналарының жоқтығын білдіргім келмейді” деді Абай Бегей.