ҚР Дін істері және азаматтық қоғам министрі Нұрлан Ермекбаев сәләфизмге қатысты өз пікірін білдірді.
“Қазақстан Республикасы үшін сәләфизм лайық емес және деструктивті діни ағым деп есептейміз. Оның кірме идеология екендігін атап өтуіміз керек. Күн өткен сайын ол азаматтарымыздың қарсылығына ұшырап келеді. Қазақстандық қоғам осы бір радикализмге жетектейтін жат діни ұғымға қарсы”, – деді Нұрлан Ермекбаев Орталық коммуникация қызметіндегі баспасөз конференциясында деп хабарлады Tengrinews.kz.
“Біздің ары қарайғы жұмысымыз сәләфизм идеологиясын насихаттайтын әдебиеттер мен интерент-сайттардың таралуына жол бермеуге бағытталады”, – деп мәлімдеді ол.
Министрлік басшысының пікірінше, Қазақстанның саналы қоғамы бұл ағымның таралуына заң тұрғысынан тыйым салмай-ақ жол бермейді.
“Айта кетейін, Қазақстанда қазірде 23 террористік және экстремистік ұйымға тыйым салынды”, – деді Ермекбаев.
Ол сәләфизмнің ұйым емес, діни ағым, көзқарастар жүйесі екендігін атап өтті. Шариғатты ұстанатын кей мемлекеттерде сәләфизмге жақын діни ағымдар дәстүрлі болуы мүмкін. Ал Қазақтанда қазіргі теологтар сәләфизмнің Қазақстан үшін айтарлықтай диструктивтік қаупі жоқ деген ортақ пікірге келетінін де айтып өтті министр.
“Сәләфизмді жақтаушылар өз идеяларын ұлттық дәстүрден, мәдени-рухани құндылықтардан жоғары қояды. Сәләфизм ұстанушылар үшін ең жетілген қоғамдық құрылым ол – қатаң діни қағидаттарға құрылған қоғам болып келеді. Дегенмен, олар бұл туралы ашық айта бермейді “, – дейді министрлік басшысы.
Оның айтуынша, қазіргі кезде ислам әлемінде сәләфизм идеясы беделді дін басылары мен алдыңғы қатарлы ислам ойшылдары тарапынан сынға ұшырап отыр.