Манхэттенде жерлесіміз бас жүлдені еншіледі

20 просмотров

31-мамырда Нью-Йоркте бірінші Манхэттен музыкалық байқауы аяқталды. Онда біздің жерлесіміз Ержан Құлыбаев „Ішекті аспаптар„ аталымының бас жүлдесін еншіледі.

inform.kz ақпарат агенттігінің хабарлауынша, байқау фортепиано, вокал және ішекті аспаптар аталымдары бойынша өтті. Оған қатысушылар өз видеожазбаларын қазылар алқасына алдын ала жолдаған.

Байқаудағы қазылар алқасының төрағасы атақты пианиношы Иво Погорелич болды.

«Ішекті аспаптар» аталымында бас жүлдеге отандасымыз, скрипкашы Ержан Құлыбаев ие болды.

«Нью-Йоркте бірінші Манхэттен музыкалық байқауында бірінші орынға ие болдым!», — деп жазды артист Фейсбуктегі жеке парақшасында.

Ержан Құлыбаев — Буэнос-Айрес, Лиссабон, Берлин, Новосібір және Екатеринбургтегі халықаралық байқаулар сыйлығының иегері, Познаньдағы Генрик Венявский атындағы скрипкашылар байқауының лауреаты.

Загрузка...