17 жастағы Амандық Сатыбалдиевты екінші апта іздестіріп жатыр. Ата-анасы ұлдары туралы қандай да бір мәлімет берген адамға 2 млн теңге төлеуге дайын. Олардың ойынша, бұл іздеу жұмыстарына септігін тигізеді.
Жас жігіт 26 тамыз күні үйінен кетіп, сол күйі оралмаған, деп жазады Lada.kz.
«Жақында бізге іздеу жұмыстарына көмек ретінде 50 солдат берді. Әзірге ешбір ілік болмай тұр. Ұлымды жер жұтқандай», – дейді жоғалған жігіттің әкесі.
Еске сала кетейік, 26 тамыз күні Амандық Сатыбалдиев кешкі сағат 20.00 шамасында Маңғыстау-5 ауылындағы үйінен шығып кетіп, қайта оралмаған. Ол үстіне қара футболка, шалбар мен қара түсті сланцы киген.
Жоғалған бозбала туралы қандай да бір ақпарат болса мына телефондарға хабарласуға болады: 8 778 382 2540 и 8 775 379 3344.