Депутаттар коллекторлық қызмет туралы құжатқа осындай баға берді. Заңға өзгертулер мен толықтырулар енгізуге қатысты жұмыс тобының отырысы қызу талқылаумен өтті.
Бұл туралы 31 арна хабарлайды.
“Банк не получает 100 процентов. Он согласен 50 процентов кредита отдать коллекторской компаний, только для того чтобы эта коллекторская компания пошла и выбила эти долги. Логика где?!” – дейді депутат Зағипа Балиева.
Банктің ала алмай жүрген несиесінің жартысын өндіріп беруші коллекторге төлейтінін түсіне алмаймын деп ашынған депутат, одан да борышкерге сол 50 пайызын кешіре салмаймыз ба деді. Сондай-ақ Зағипа Балиева жасөспірім баласы бар отбасылардың қарызын коллекторлар арқылы өндіріп алуға жол бермеуді ұсынды.
Осылайша, өскелең ұрпақты әлеуметтік проблемалардың көбінен алшақ ұстаймыз дейді. Бұдан бөлек, жұмыс тобына қатысушылар көп балалы аналар мен 3-ші топтағы мүгедектерге де жеңілдік қарастыру керек деп отыр. Тіпті, Қазақстанда жеке тұлғалардың банкроттығы туралы заң жобасы болмағандықтан, коллекторлық қызметке тыйым салу керек дегендер де болды. Жаңа құжатты дайындаушылар, заң жоқ болса да коллекторлар қызмет ете беретінін алға тартады.
– Қазіргі кезде азаматтар коллекторлық қызметті қоқан-лоққымен ақша табатын рэкэт сияқты қабылдайды. Бұл заң коллекторлық қызметті қорғау үшін емес, олардың борышкермен қарым-қатынасын реттеу және жүйелеуге бағытталған. Бүгін айтылған ұсыныс-пікірлерді жұмыс тобында ескеретін боламыз.