Мәсімов Ақтөбедегі лаңкестіктен кейін шошып қалған Қазақстандағы шетел инвесторларының қауіпсіздігін күшейтуді тапсырды.
5-маусымда Ақтөбеде болған оқиғадан соң бірқатар шетел инвесторлары Қазақстандағы жағдайға және инвестицияларының қауіпсіздігіне қатысты өз қобалжуларын білдірді. Бұл туралы бүгін ҚР Премьер-министрі Кәрім Мәсімов мәлімдеді деп хабарлайды Қазақстан жаңалықтары.
– Әсет Орынтайұлы (Инвестициялар және даму министрі — Әсет Исекешев) , бұл сізге және Сыртқы істер министрлігі мен ақпарат министрлігіне қатысты. Қазақстандағы соңғы оқиғаға байланысты іштегі инвестициялардың қауіпсіздігіне алаңдап, бірқатар инвесторлар өз қобалжуларын білдіріп жатыр, – деді Кәрім Мәсімов Үкімет отырысында.
– Біріншіден, біз осы қауіпсіздікті қамтамасыз етуіміз керек, екіншіден, дұрыс түсіндірірме жұмыстарын жүргізуіміз шарт: Дариға Нұрсұлтанқызы (вице-премьер — Дариға Назарбаева) жалпы сыртқы ақпараттық жұмыс аясында мүмкін қандай да бір реттеулер жүргізу керек секілді. Мұны қарастырып көру керек және жалпы ұсыныстарды енгізу қажет, – деді үкімет басшысы.