Мәсімов павлодарлықтарға онкологиялық диспансерді жаңалау жұмысына көмектесетінін айтты

15 просмотров

Павлодарлықтар Кәрім Мәсімовтен онкологиялық диспансердің құрылысына көмектесуді сұрады.

Бұл туралы агенттікке берген сұхбатында Павлодар облыстық қоғамдық кеңестің төрағасы Тито Сыздықов мәлім еттідеп хабарлайды pavlodarnews.kz .

Павлодар облысындағы маңызды мәселелердің бірін премьер-министрге облыс белсенділері мен ақсақалдары кездесуі кезінде айтты.

— Қазіргі кезде облыстық онкологиялық диспансерде 10 мыңнан аса адам есепте тұр. Республика бойынша, осы көрсеткішпен алдыңғы қатарлардың бірінде тұрмыз. Сондықтан 200 жатын орны бар диспансер мен 100 орындық емхананың құрылысына септігіңізді тигізсеңіз, алғыс білдірер едік.

Кәрім Қажымқанұлының нағашы атасы Павлодар облысында жерленген. Анасы жағынан біздің жерлесіміз болып келеді. Сондықтан бұл ақсақалдар атынан аманат, барша облыс тұрғындары мен белсенділері атынан үлкен өтініш. Өз кезегінде премьер-министр сұрақты шешуге ықпал жасайтынын айтты. Менің ойымша құны 7,5 миллиард теңгені құраған жоба алдағы уақытта іске асады, — деді Тито Сыздықов.

Естеріңізге сала кетсек, бүгінгі күні онкологиялық диспансер 1961 жылы салынған бұрынғы жатақхананың ғимаратында орналасқан. Ғимарат тым кішкентай, аурухананың барлық қажеттілігін өтей алмай тұр. Сондықтан диспансерге жаңа корпус салу керек.

Негізі, екінші Павлодар жақта №3 емхананың жанынан құрылысқа орын дайын тұр. Барлық құжаттар да реттеліп қойылған. Жаңа ғимараттың құрылысына 2015 жылдың бюджетінде 7,5 миллиард теңге қарастырылған. Өкінішке орай, бұл уақыт жаңа объектілердің құрылысына жарияланған мораториймен дәл келіп, осы бағыттағы жұмысты тоқтатылды.

Загрузка...