Мәсімов Ниццадағы терактіге байланысты француз халқына көңіл айтты

61 просмотров

Қазақстанның Премьер-министрі Кәрім Мәсімов Францияның Астанадағы елшілігінде болып, Ниццада орын алған террорлық актіге байланысты Көңіл айту кітабына жазба қалдырды.

Бұл туралы Премьер-министрдің ресми сайты хабарлады.

Премьер-министр өзінің Twitter-дегі аккаунтында: «Франция елшілігіне бардым» — деп жазды.

«Өкінішке қарай қаза тапқандар арасында Қазақстанның төрт азаматы бар. Олардың туған-туыстарымен бірге біздің де қабырғамыз қайысады және қайғыра көңіл айтамыз», — деп жазады Кәрім Мәсімов.

Естеріңізге салсақ, бұдан бұрын Президент Нұрсұлтан Назарбаев қаза тапқандар мен зардап шеккендердің отбасы мен туған-туысына, барша француз халқына көңіл айта отырып, Франция президенті Франсуа Олландқа жедел хат жолдаған болатын.

Загрузка...