Ұлыбритания премьер-министрі Дэвид Кэмерон референдум қорытындысын жариялаған соң өзінің отставкаға кететінін мәлімдеді. Ол мемлекетке жаңа көшбасшы керек екенін айтып, отставкаға үш айдан соң шығатынын жариялады.
„Біздің елді келесі белгіленген пункте жеткізуде менің капитан болып қала беруім орынсыз деп санаймын„ – деді Кэмерон.
Оның айтуынша, Ұлыбританияның жаңа премьер-министріне мемлекетті Еуро одақтан шығару процесін іске қосу міндеті жүктеледі.
Сондай-ақ Кэмерон бүгін басым дауыс жинаушылардың таңдауына құрметпен қарайтынын, алайда оның ағылшындар өміріне күрт өзгеріс әкеле қоятындығына күмәні барын жеткізді.
Ұлыбританияның Еуро одақтан шығуын жақтап халықтың 52 пайызы дауыс берген. Бұл – ресми мәлімет.
Негізінен, Ұлыбритания премьер-министрі одақта қалуды жақтап, үгіт-насихат жүргізген.
Жергілікті газеттегі сұхбатында ол „Еуро одақтан Ұлыбританияның шығуы ағылшындардың жалақысына да сол секілді тауарлардың бағасына кері әсер етеді„ деп атап өткен.
Сарапшылардың пікірінше, енді референдум нәтижесіне сәйкес, Ұлыбританияның Еуро одақтан шығу процесіне кемінде бір жыл уақыт кетеді.