Ұлы Абайдың әжесі Зереге арналған ескерткіш орнатылды

77 просмотров

Шығыс Қазақстан облысы, Жарма ауданы, Қалбатау ауылында Һәкім Абайдың әжесі, қажы Құнанбайдың анасы Зере (Тоқбала) Бектемірқызына ескерткіш орнатылды. Мүсін авторлары — әкелі-балалы Тәтиевтер.

Ертіс Исайынұлының айтуынша, Зере әженің тізесіне немересін отырғызу идеясы – нағыз әже бейнесін айшықтайды.

— Зере әже бейнесіне Абай жолы эпопеясын көп оқығанымыздан болар, қиналмай іске кірістік. Өткен қараша айында қолға алған жұмыс еді, енді міне, халыққа ұнап жатыр, жемісін көріп, қуанып жатырмыз,- дейді zheruiyq.kz сайтына білдірген пікірінде ескерткіш авторы.

Ескерткіштің ашылу салтанаты үлкен тойға ұласты. Ел Тәуелсіздігінің 25 жылдығы, «Ұлы даланың ұлы аналары» атты іс-шара аясында Жарма жерінде жемісін тапқан бұл шараның ұйытқысы болған Жарма ауданының әкімі Сыдықов Нұрлан Бәттәшұлы.

Бұл тойға «Құнанбай» фильміндегі Зере әженің рөлін ойнаған Жарма ауданының тумасы Нұрсипат Салықова мен «Құнанбай» фильмінің режиссері және Құнанбай рөлінде ойнаған Досхан Қалиұлы Жолжақсынов та қатысты. Аудан әкімі әртістерге көркемөнер саласындағы үлкен еңбектері үшін шынайы ықыласын білдірді.

Досхан Қалиұлы Жолжақсынов:

— Әлемнің сусар бұлағы, қозғаушы күші, ай мен күні аналарды жырламаған дәуір жоқ болар. «Жұмақ – аналардың табанында» деген сөз де бекер емес. Мына атқарылып жатқан ізгі істеріңіз қайырлы, құтты болғай.

Загрузка...