Ұлттық банк басшысы болжамы орындалмаған сарапшыларды жауапқа тартуды ұсынды

30 просмотров

Девальвация туралы болжам айтқан сарапшылар өз сөздеріне жауап берулері тиіс.

Бұл туралы бүгін Алматыда өткен баспасөз мәслихаты барысында ҚР Ұлтттық банкінің төрағасы Данияр Ақышев мәлім етті деп хабарлайды ҚаАқпарат.

— Жалпы, біз сарапшылардың пікірлеріне түсіністікпен қараймыз. Олар өз пікірлерін айтуға құқылы. Алайда, өз пікірін білдіретін, болжам жасайтын, ол аздай, нақты параметрлер мен қандай да бір уақыт аясын көрсететін кез-келген сарапшы, осы жасаған болжамдары расталмаған жағдайда айтқан сөздері үшін жауап берулері тиіс деп ойлаймын, — деді Данияр Ақышев.

Ал журналистер қауымына ҚР Ұлттық банкінің төрағасы мұндай сарапшылардың алдымен беделіне баға беруге кеңес берді.

— Оларды насихаттап, танымал ете отырып, біз кейде қоғамды жаңылыстырамыз. Сол үшін, мен белгілі бір тақырып бойынша бір емес, бірнеше сарапшының пікірі келтірілгенін қалаймын. Әсіресе, кәсіби сарапшылардың, яғни, нарықта, бірінші кезекте банк жүйесінде тәжірибесі бар сарапшылардың пікірін естігіміз келеді, — деді Ұлттық банк басшысы.

Загрузка...