Жыл сайын жарияланатын бұл тізімді YouGov әлеуметтік қызметі жүргізеді деп хабарлайды РИА Новости. Сонымен әлемдегі ең құрметті адамдардың тізімін осымен үшінші жыл қатарынан Microsoft-тың негізін қалаушы Билл Гейтс бастап тұр. Одан кейін барып АҚШ президенті Барак Обама мен ҚХР төрағасы Си Цзиньпин және танымал актер Джеки Чан орын алады.
Бесінші орын ағылшынның физигі, ғылымды насихаттаушы Стивен Хокингтің еншісінде.
Ал РФ президенті Владимир Путин былтырғы он бірінші орыннан алтыншы орынға көтерілген екен.
Ең беделді әйел рейтингін америкалық актриса және режиссер Анджелина Джоли бастап тұр. Одан кейін Ұлыбританияның патшайымы ІІ Елизавета мен АҚШ президенттігінен демократиялық партиялар атынан үміткер Хиллари Клинтон ханымдардың аты-жөні аталады.
Сауалнама әлемнің 30-дан астам елінде жүргізілген. Сауалнамаға тартылғандар «Сіз кімді пір тұтасыз?» және «Сізге кім ерекше ұнайды?» деген сұрақтарға жауап берген.