Ата-аналар шағымынан кейін Алматы әкімі Бауыржан Байбек Максим Горький атындағы Орталық саябақтағы баға екі есеге түсіртті деп хабарлайды zakon.kz.
Әкім қала тұрғындарының шағымын тыңдап, мерекеге орай, саябақтағы бағаны 50 пайызға арзандатуға уәде берді. Іле-шала әкім уәдесі орындалды.
– Шынында да бүгін әкімге ата-аналар келіп шағымданды. Бүгін – Балаларды қорғау күні болғандықтан, біз атракциондар бағасын ескеруіміз керек еді, алайда ескермедік. Қазір,балаларға барлық атракциондарға міну кұнын 50 пайызға арзандаттық”, – дейді “Алтын-Тараз” компаниясының бас директоры Владимир Сидельковский.
Естеріңізге сала кетейік, саябақтың сайтында көрсетілген бағалар 150 теңге мен 3800 теңге аралығын қамтиды. Ең жоғарғы болып саналатындары – дельфинмен шомылу, оның құны – 20 мыңнан 185 мың теңге аралығында.