Қазақстандағы бірнеше орта және жоғары оқу орнына демеушілік әрі басшылық етіп отырған KATEV халықаралық қоғамдық қоры Түркия билігі айыптайтын діни жетекші Фетуллах Гүленге қатысы жоғын мәлімдеді.
Бұл туралы елдегі 29 қазақ-түрік лицейі, «Нұр Орда» жеке меншік қазақ-түрік мектебі мен екі колледж, Алматыдағы Сүлеймен Демирел атындағы университетке демеушілік әрі басшылық етіп отырған KATEV қорының тәрбие ісі жөніндегі вице-президенті Нұрбол Төлебаев Азаттыққа берген сұқбатында айтқан.
Түркияда болмай қалған мемлекеттік төңкеріс әрекетіне Анкара АҚШ-та тұратын теолог Фетхулла Гүленді айыптаған. Көп ұзамай Түркия билігі Орталық Азия елдері биліктерінен «гүленшіл» дейтін оқу орындарына деген «көзқарасын өзгеруді талап етіп», «гүленшілердің төңкеріс жасау пиғылы барын” ескерткені туралы мәлімдей бастаған. Соңғы жылдары кей елдерде түрік оқу орындары жабыла бастаған.
Анкараның Фетуллах Гүленге қатысты талабын Қырғызстан сыртқы істер министрлігі «мемлекеттіміздің ішкі ісіне араласу» деп білетінін мәлімдеген.