«Канело» Головикинді Мексикада жұдырықтасуға шақырды
Бүгін WBC атағын қорғап шыққан әлем чемипионы Сауль «Канело» Альварес орта салмақтағы WBA (Super), IBO, WBC (Interim) және IBF тұжырымдары бойынша жерлесіміз Геннадий Головкинді Мексикада жұдырықтасуға шақырды. Бұл ақпарат шыға салысымен жерлесіміз Гена әлеуметтік желі арқылы оған: “Мен дайынмын, Канело!” деп лезде жауап қатты. Бұл туралы sports.kz хабарлайды.
АҚШ-та бокс кешінің негізгі жекпе-жегінде Альварес британдық боксшы Әмір Ханмен кездесіп, 6-раундта өз қарсыласын нокаутпен жеңді. Осылайша, мексикалық Сауль «Канело» Альварес WBC атағын қорғап алды. Бұл белбеудің негізгі әрі міндетті үміткері – Геннадий Головкин.
Жекпе-жектен кейінгі сұхбат барысында HBO арнасының комментаторы Макс Келлерман WBC чемпионы Сауль «Канело» Альварестен GGG-мен кездсеуге қаншалықты дайын екенін сұрады. Оған «Канело»: «Мен оны Мексикаға шақырамын. Сол жақта рингте кездесейік. Мен ешкімнен қорықпаймын. Мексикада кездесіп жұдырықтасайық», – деп мәлімдеді.
Айта кеткен жөн, Геннадий Головкин осы жекпе-жекті бапкері Абель Санчеспен бірге келіп тамашалады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе