Кәсіби мереке күні қызмет бабында ерекше көзге түскен шекарашылар марапатталды

89 просмотров

Бүгін Астана қаласындағы ҚР Қарулы күштерінің Әскери-патриоттық орталығында шекарашылар күніне арналған салтанатты жиын өтті.

Бұл туралы ҚР ҰҚК шекара қызметінің баспасөз қызметі хабарлады.

Әскери-жауынгерлік қызметте жоғары табыстарға қол жеткізген бірқатар әскери қызметшілер «За отличие в охране Государственной границы» медалімен және «Отличник Пограничной службы» төсбелгісімен, сондай-ақ грамоталармен, алғысхаттармен және бағалы сыйлықтармен марапатталды.

Бірқатар әскери қызметшілерге әскери шендер кезектен тыс берілді.

– Уақыт өткен сайын әскери қызметшілердің кәсіби біліктілігі де арта түсуде, әскери дайындық та жоғары деңгейге көтерілді, биылғы жылы біз алғаш рет кең көлемдегі оқу-жаттығу өткіздік, — деп атап өтті ҚР ҰҚК Шекара ведомствосының басшысы, генерал-майор Дархан Ділманов.

Салтанатты жиналыстың аяғы шекара қызметінің ән-би ансамблінің тамаша концертіне ұласты.

Сонау 1992 жылы Елбасымыздың Жарлығымен КСРО Шығыс шекара округының базасында Қазақстан Республикасының Шекара әскерлері құрылған болатын.

2000 жылдан бері қарай күзетілетін мемлекеттік шекараның ұзындығы 8,5 есеге артты, яғни 1783 шақырымнан 15132 шақырымға дейін жетті. Бақылау-өткізу бекеттері 6-дан 98-ге дейін көбейді.

Загрузка...