Оңтүстік Қазақстан облысында аялдама атын дұрыс атамағандарға айыппұл салынбақ. Жарнама мәтіндерінің тақырыптық маңыздылығы мен сауаттылығы да қатаң қадағалауға алынады.
Бұл туралы «Көрнекті ақпарат және жарнама мәтіндерін заң талаптарына сәйкес реттеу мәселелері» атты облыстық семинарда белігілі болды деп хабарлайды otyrar.kz.
Жиналғандар бірауыздан осы олқылықтардың орын толтырып, мемлекеттік тілде дұрыс сөйлеп, дұрыс жазуды талап етіп отыр.
Екінші мәселе қоғамдық көлікте тілдерін бұрап сөйлейтін кондукторлар турасында болды. Қазақтың танымал адамдарының тегіне «а» жұрнағын қосып айтуға тілдері машықтанып қалған. Оның дұрыс аталауын іздеп немесе қызығушылық танытып жатқан жан жоқ.
Ендігі заң жобасы аясында көше атауын дұрыс атамаған азаматқа айыппұл салынып, 10-20 айлық есептік көрсеткіш көлемінде ақша төлейді. Ол дегеніңіз — 20-40 мың теңге.
– Бізді, әсіресе қынжылтып отырғаны — Ахмет Байтұрсынов, Дінмұхамед Қонаев және Тұрар Рысқұлов секілді белгілі тұлғалардың аты берілген көшелерді орысша айтуы. «Кунаева, Рыскулова» дегенді көп естиіміз. Ал өскелең ұрпақ жастар асыл азаматтарды әйел екен деп қалады, – дейді облыстық тілдерді дамыту, архивтер мен құжаттама басқарма басшысының орынбасары Қасым Ағабеков.