Кәрім Мәсімов Ниццадағы көп адамның өмірін қиған терактіге байланысты көңіл айтты

34 просмотров

Қазақстан Премьер-министрі Кәрім Мәсімов Ниццада көп адамның өмірін қиған терактіге байланысты көңіл айтты.

Бұл туралы Үкімет басшысы Twitter-дегі жеке парақшасында жазды.

„Францияның Премьер-министріне және қайғылы оқиға салдарынан мерт болғандардың отбасына қайғырып, көңіл айтамын„ деп жазады Кәрім Мәсімов өзінің әлеуметтік желідегі аккаунтында.

Жергілікті БАҚ-тарға сілтеме жасап, хабарлаған РИА Новости агенттігінің дерегіне сүйенсек, Францияның Ницца қаласында Бастилияны басып алу Күніне орай отшашуды көруге жағалауға жиналған адамдарға қарай жүк көлігі қойып кеткен.

БАҚ-тардың мәліметінше, оқиға жергілікті уақыт бойынша 22.30-да болған. Осыдан кейін жүк көлігіндегілер адамдарға оқ жаудырған. Куәгерлердің айтуынша, оқиға орнында жарылыстар естілген. Алдында мұны адамдар петарда деп ойлап қалған. Одан кейін барып, „теракт„ деп жиналған қауым жан-жаққа қашқан. Жергілікті билік Ницца тұрғындарын үйден шықпауды сұрап отыр.

Басында теракт кезінде 10 адам мерт болды десе, бүгін оның саны 80-ге жетіп отыр.

Ниццада терактінің орын алуына байланысты Францияда жарияланған төтенше жағдай үш айға созылды.

 

Загрузка...