Кәрім Мәсімов 10 соттық жер телімін бөлуге қатысты ойымен бөлісті
Мемлекет басшысының тапсырмасы бойынша жеке тұрғын үй құрылысының инфрақұрылмын дамытуға үлкен көңiл бөлінуде. Осы мақсатқа қаражат қарастырылып жатыр. ҚР Премьер-министрi Кәрiм Мәсiмовтың айтуынша, инфрақұрылыммен қамтамасыз етiлген жерден 10 сотық жер телімін бөлу осы мәселенi шешуге оң ықпал етедi.
– Экономика өсiмiн қамтамасыз ету үшiн тұрғын үй құрылысын ұлғайту қажет. Бағдарламадағы жаңа бағыттардың бiрi – жеке тұрғын үй құрылысына инфрақұрылым тарту. Бұл облыстық әкiмдiктер арқылы жасалады. Соңғы уақытта жер мәселесiне қатысты пiкiрталастар көп. Үкiмет заңнамаға өзгерiстер енгiзудi қолдап, осы мәселенi қарастырды. Бiздiң ойымызша, инфрақұрылыммен қамтамасыз етiлген жерден 10 сотық жер телімін бөлу осы жағдайды шешуге оң ықпал етедi. Сондықтан ресурстардың бiр бөлiгi жеке тұрғын үй құрылысының инфрақұрылымын дамытуға жұмсалады, – дедi Кәрім Мәсiмов.
Астанада ҚР Парламентi палаталарының бiрлескен отырысы өтiп жатыр. Отырыста депутаттар Үкiмет пен республикалық бюджеттiң атқарылуы жөнiндегi есеп комитетiнiң 2015 жылғы республикалық бюджеттiң орындалуы туралы есептерiн қабылдайды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе