Биыл күміс бағасы 49 пайызға қатты қымбаттаған. Бұл өсім әлі де жалғаса береді деп күтіліп отыр.
Бұл туралы CPM Group консалтинг компаниясының шикізаттар өндірісі туралы зерттеуінде айтылады.
Зерттеу дерегіне сүйенсек, 2016 жылы күміс өндірісі 2,4 пайызға кеміген. Бұл – 10 жыл ішінде тіркелген бірінші құлдырау. Дегенмен компания сарапшылары 2016 жылы күміске деген сұраныс 1,6 пайызды құрағанын алға тартады. Демек, биыл ұсыныстан сұраныс көп.
Күміске әшекей саласы емес, өнеркәсіп кешендері тарапынан үлкен сұранысқа ие. Күн батареясын шығаратын өнеркәсіптер сұранысты арттырып отыр. Мысалы, 2016 жылы жыл бойына өндірілген күмістің 70 миллион унциясы осы сала тұтынған. Бұл жалпы өндірістің 10 пайызын құрайды. Сол секілді бұл салада тұтынылған күміс былтырға қарағанда 23 пайызға артық.