Көкек әкелерге құлаққағыс! Алимент төлеуден жалтарғандарға кешірім жоқ

65 просмотров

 Ұл-қызына жәрдем етуге құлықсыз азаматтарға жамбылдық прокурорлар жазаның жаңа түрін ойлап тапты. Жауапсыз әкелерді жүргізуші куәлігінен айырмақ. Ал «жұмыс жоқ» деп сылтауратқандарды кәсіпорындарға жұмысқа тұрғызады. Егер оған көнбей қиғылық салатын болса, темір тордан бір-ақ шықпақ.

Өзінің жұмыссыз екенін айтып, «алимент төлеуге жағдайым жоқ» деп ебіл-дебіл жылаған азамат енді сылтау айта алмайды. Борышкердің 5 млн. теңге берешегі болса, енді соны төлеудің жолы табылды. Есбол Оразәлиев есік-терезе жасайтын шағын цехқа жұмысқа тұрғызылды. Сөйтіп, 50 мың теңге жалақымен 5 жыл бойы жиналған қарызын төлемек.

Есбол Оразәлиев, борышкер:

— Дала сыпырмаймын бірден айтамын. Ал мына жерде істеткізсе істеймін.

Жылдар бойы бауыр еті баласына ақша төлеуден жалтарғаны үшін ол алдымен сот шешімімен 5 тәулікке қамалып, тек содан соң жұмысқа кірісе алады. Қазір Жамбылда осы секілді 12 мыңнан астам борышкердің ісі қаралуда. Ел бойынша олармен күресудің тың тәсілі қолға алынса, облыс бойынша жоба ең алдымен Меркі ауданында жүзеге асырылып жатыр. Мұндағы 700-ге жуық жауапсыз әкенің әзірге 58-ін еңбекпен қамту көзделген.

Сәкен Төлеуов, Меркі ауданының прокуроры:

-Әр адам бойынша жұмыс істеп жатырмыз. Егер жұмысқа кіруден өзі бас тартса, яғни ол борышын өтеуден бас тартқаны деген сөз.  Әкімшілік жауапқа тартамыз. Тағы басқа мүліктері болса оларға тыйым салып, тәркілейміз.

Машинасы бар борышкерлерге мүлдем тықыр таянды. Өйткені алимент төлемегендер бірден жүргізуші куәлігінен айырылады. Қазір ауданда сот шешімімен көлік басқару құқынан шектелген 37 азаматты полицейлер жатпай-тұрмай іздеп жатыр. Қолға түссе, қара жаяу қалдырады.

Көп жағдайда борышкерлер соттың шақыруына келе бермейді. Сондықтан шешім сырттай шығарылуда. Дегенмен енді заңға бағынбағандарды үйінен жетекпен әкелінетін болды.

ktk.kz

1392401017_lyubish-razvoditsya

Загрузка...