Үйлену және ажырасу бойынша қазақ жастары әлемдік көштің басында келеді

«Порталда соттың іздеуіндегі алимент бойынша барлық борышкерлер туралы деректер, іздеу жүргізуші орган және кезекші бөлім телефондары туралы мәліметтер орналастырылған. Іздеу үшін Комитет сайтының «Балалары оларды іздеуде» бөлімінде тексерілетін адамның тегін, атын, әкесінің атын, туған күнін енгізу жеткілікті. Іздеудің бұл әдісін қолданудың тиімділігі туралы деректерден көреміз: 2015 жылдың 5 айында алимент төлеуден жасырынып жүрген 278 ата-ананың орналасқан жері анықталса, 2016 жылдың сәйкес кезеңінде 648 борышкер анықталды», – делінген комитет мәліметінде.

Қазіргі уақытта порталда  алимент төлемегені үшін 583 адамды іздеу туралы мәліметтер жинақталған, оларды іздестіруге бүкіл қоғам болып атсалысуға болады.

2015 жылы Economist әйгілі британ баспасы жариялаған әлемдік статистика деректеріне қарағанда,  Қазақстан неке саны бойынша мың адамға 9,7 көрсеткішімен 9-орынды иеленген. Сонымен қатар, өкінішке қарай, Қазақстан ажырасулар көрсеткіші бойынша да мың адамға есептегенде 2,7 көрсеткішін құрап отыр.