2015 жылдан бастап Бас прокуратураның құқықтық статистика және арнайы есепке алу жөніндегі комитеті алимент төлемейтін борышкерлерді есепке алуды жүргізе бастады, деп хабарлайды ҚазАқпарат. Бас прокуратура www.pravstat.prokuror.kz интернет сайтының желісінде «Балалары оларды іздеуде» арнайы ақпараттық порталын ашты.
Қазіргі уақытта порталда алимент төлемегені үшін 583 адамды іздеу туралы мәліметтер жинақталған, оларды іздестіруге бүкіл қоғам болып атсалысуға болады.
2015 жылы Economist әйгілі британ баспасы жариялаған әлемдік статистика деректеріне қарағанда, Қазақстан неке саны бойынша мың адамға 9,7 көрсеткішімен 9-орынды иеленген. Сонымен қатар, өкінішке қарай, Қазақстан ажырасулар көрсеткіші бойынша да мың адамға есептегенде 2,7 көрсеткішін құрап отыр.