Әйелін өлімші етіп сабаған Бақытбек Есентаевты қамауға алу мерзімі тағы бір айға ұзартылды
Белгілі продюсер Баян Есентаеваның күйеуі Бақытбек Есентаевты қамауға алу мерзімі бір айға ұзартылды.
Бұл туралы Алматы облысының Талғар аудандық сотының кеңсесіне сілтеме жасап, ҚазАқпарат хабарлады.
«Бақытбек Есентаевты қамауға алу мерзімі 10-қыркүйекке дейін ұзартылды. Ұзарту туралы санкцияны судья Ілияс Мұхадиұлы берді», – деді кеңседегілер.
Естеріңізге сала кетелік, үстіміздегі жылы 10-маусымда бас сүйек-миы зақымдалып, мұрны сынып және пышақ жарақатын алған белгілі тележүргізуші және продюсер Баян Есентаева Талғар аудандық ауруханасына жатқызылған болатын.
Кейін белгілі болғанындай, Баян Есентаева бұл жарақаттарды күйеуі Бақытбек Есентаевпен арада болған жанжал барысында алған.
Бақытбек Есентаев Талғар аудандық ішкі істер бөлімшесіне жеткізіліп, кейін 2 айға уақытша тергеу абақтысына қамалды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе