Италия үкіметі жер сілкінісінен 250 адам құрбан болған аймаққа төтенше жағдай енгізді.
Бейсенбі күні елдің премьер-министрі Маттео Ренци зардап шеккен аймақтың тұрғындарына 50 миллион еуро көлемінде бірінші көмек берілетінін мәлімдеді. Сонымен бірге салық жеңілдіктері қарастырылады. Ренцидің сөздерінше, қираған елді мекендер мемлекет тарапынан қайта тұрғызылатын болады. Бұл хабарды италиялық ANSA ақпарат агенттігі таратты.
Құтқару жұмыстарына 6 мың адам тартылған. Олар күні-түні жұмыс істеп жатыр. Жер сілкінісінен 293 мәдени-тарихи нысан қирады деп мәлімдеді Италияның мәдениет және туризм министрі.