Италиядағы зілзала кезінде қаза тапқандар саны 300-ге жуықтады

42 просмотров

688 адам түрлі деңгейде жарақат алып, ауруханада жатыр.

Бұл туралы Росбалт порталы хабарлады.

Қаза тапқандардың басым бөлігі Аматрич қаласынан табылған. Өйткені бұл қала жер сілкінісінен қатты зардап шеккен.

Қазір ашық аспан астында жайылған шатырларға 2,5 мың адам орналастырылған, олардың барлығы зілзала салдарынан баспанасыз қалған. Асколи-Пичено қаласында сенбіде жер сілкінісінен қаза тапқан 35 адамды ресми түрде жерлеу рәсімі өтті. Оған мемлекет басшысы мен бұрынғы үкіметтің өкілдері, оның ішінде премьер-министр Маттео Ренци де қатысты.

Италияда қаралы күн жарияланды, Рим папасы Франциск қаза тапқандар үшін әлем қауымдастығынан дұға тілеуді сұрады.

24-тамызда түнде Италияның орталық бөлігінде 6,2 балдық жер сілкінісі болғанын еске сала кетелік. Зілзала Умбрия, Лацио және Марк өңірлерін қамтыды.

Загрузка...