Италияның орталығына жақын Перуджа қаласы маңында жойқын жер сілкінісі болды. Салдарынан қаланың тең жартысы жер астына кетті. Қазір ҚР Сыртқы істер министрлігі Италияның Аматриче қаласындағы жер сілкінісі салдарынан зардап шеккендер арасында қазақстандықтардың бар-жоғын анықтап жатыр.
Бұл туралы ҚР Сыртқы істер министрлігі баспасөз қызметінің жетекшісі Әнуар Жайнақов хабарлады.
«Әзірге, біздің азаматтар туралы ақпарат келіп түскен жоқ, әлі де тексеретін боламыз», – деді Әнуар Жайнақов.
Аматриче қаласының әкімі қалаға баратын жолдардың барлығының бұзылғанын, қаланың тең жартысы жоқ боп кеткенін, адамдардың үйінді астында қалғанын, көпірдің бүлінгенін жеткізді деп хабарлады Би-би-си.