Италиядағы жойқын зілзаладан зардап шеккендер ішінде қазақстандықтардың бар-жоғы анықталып жатыр
Италияның орталығына жақын Перуджа қаласы маңында жойқын жер сілкінісі болды. Салдарынан қаланың тең жартысы жер астына кетті. Қазір ҚР Сыртқы істер министрлігі Италияның Аматриче қаласындағы жер сілкінісі салдарынан зардап шеккендер арасында қазақстандықтардың бар-жоғын анықтап жатыр.
Бұл туралы ҚР Сыртқы істер министрлігі баспасөз қызметінің жетекшісі Әнуар Жайнақов хабарлады.
«Әзірге, біздің азаматтар туралы ақпарат келіп түскен жоқ, әлі де тексеретін боламыз», – деді Әнуар Жайнақов.
Reuters агенттігінің хабарлауынша, Италияның Аматриче қаласындағы 6,4 балдық жер сілкінісі болды. Жер асты толқуы ел астанасы Римге де білінген. Бір сағаттан кейін тағы да 5,5 балдық жер сілкінісі болды.
Аматриче қаласының әкімі қалаға баратын жолдардың барлығының бұзылғанын, қаланың тең жартысы жоқ боп кеткенін, адамдардың үйінді астында қалғанын, көпірдің бүлінгенін жеткізді деп хабарлады Би-би-си.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз