Исламтанушы: «Мұхамеджан Тазабек сәләфи екенін мойындасын»

154 просмотров

Исламтанушы Қанат Жұмағұл  «Біз сәләфи емеспіз» деген Мұхамеджан Тазабекке жауап берді. 

Бұл туралы Qamshy.kz хабарлайды.

«Дат айтуға хақымыз бар!» деген ұстаз «Асыл арна» басшысының айтқандарына күмәнмен қарайтын сияқты. Содан болар Қанат Жұмағұл Мұхамеджан Тазабектің сөзіне сену үшін бірқатар шарттардың орындаулы керектігін алға тартады.

«Бізді «сəлəф» деп жүргендер отпен ойнайды», – деген кісінің сөзіне келесі шарттармен ғана сенуге болады:

1. Абай Құнанбайұлы мен Мəшһүр Жүсіптің Алланы мекенсіз деп сипаттаулары – дұрыс сенім деп мойындаса, əрі Алланы өз болмысымен (затымен) аспанда деп сенудің адасушылық екенін қабылдаса;

2. Имам Тахауи Алла тағаланың болмысы шектелуден жəне ағзалардан пәк деп айтқан сенімін дұрыс əрі ақиқат деп мойындаса;

3. Мухаммад ибн Абдилуаһһабты адасқан деп қабылдаса;

4. ҚМДБ-ның тұғырнамасында көрсетілгендей Имам Əбу Ханифаның мəзһабына негізделген «матуриди» сенім мектебін əһлу сунна жолы деп мойындап, оны өз діни бағытына айналдырса;

5. Əрі осы айтылғандарды өз сөзімен БАҚ жəне əлеуметтік желілер арқылы жарияласа;

«Егер бұл талаптар орындалмаса, онда ол кісі өзінің сәләфит екенін мойындасын!» – дейді исламтанушы.

Еске сала кетейік, Мұхамеджан Тазабек өздерін сәләф деп атағандардың отпен ойнап жүргенін ескерткен болатын.

Загрузка...