Ирландия жанкүйерлері орыстардан таяқ жеген ағылшын фанаттарын мазақ етті

32 просмотров

Францияда футболдан өтіп жатқан Еуропа чемпионатында Ирландия құрамасының жанкүйерлері ағылшын фанаттарының қытығына тиіп, мазақ қылды.

Оның видеосы интернетте пайда болды.

Видеода сырахананың жанында қос команданың жанкүйерлері өлең айтудан жарысып, айтысқан. Бір кезде ирландықтар бір ауыздан:

„Қане қайсың бар, біреуің орыстарды алып келіңдерші!„ деп әндете бастады. Осылайша олар ағылшын фанаттарына Марсельде орыс жанкүйерлерінен алған аяусыз тоқпағын еске салып, мазақ етті.

Еуропа чемпионаты шымылдығын түре салысымен, Марсельде Англия мен Ресей футбол құрамаларының жанкүйерлері төбелескенін еске сала кетелік. Салдарынан бір ағылшын азаматы мерт болған. 30-дан аса ағылшын фанаты түрлі жарақатпен ауруханаға түскен.

Ресей мен Словакия арасында өткен матчтан соң да орыстың 150-ден аса жанкүйері тағы төбелес шығарған. Ақыры Франция полициясы ауыздықтауға көнбеген орыс жанкүйерлерін мерзімінен бұрын отанына депортациялауға тура келген.

Загрузка...