Екі күнді қамтитын саммитте сауда-саттық, инвестициялар, шағын және орта бизнесті дамыту, жұмыспен қамту және сыбайлас жемқорлықпен күрес тақырыптары кеңінен талқыланбақ.
Қытайдың Ханчжоу қаласында сенбі күні алдыңғы қатарлы көшбасшы бизнесмендер әлемдік экономиканың мәселері мен бизнесті өркендету жайын талқылап, соңынан G20 елдеріне ұсыныстар әзірлейтін G20 іскерлік саммитінің шымылдығы түрілді деп хабарлады РИА Новости.
Қытай тарапының мәлімдеуінше, Ханчжоудағы G20 саммиті тарихтағы ең көлемдісі болмақ.
Ұйымдастырушылардың келтірген дерегіне сүйенсек, оған 32 мемлекет пен 26 халықаралық ұйымдардың кәсіпкерлік ортасының 800-ден астам өкілі қатысады. Самитте әлемдегі ең ірі 500 компанияның 142-і қатыспақ.
Оның ішінде Alibaba Group компаниясының негізін қалаушы Джек Ма, Халықаралық валюта қорының басшысы Кристин Лагард, Бүкіләлемдік банктің президенті Джим Ен Ким де бар. Саммиттің ашылу салтанатында Қытай Халық Республикасының төрағасы Си Цзиньпин сөз сөйлейді.