Халықаралық көлік дәлізімен Қытайдан Еуропаға 50 млрд. доллардың өнімдері өтеді
2020 жылға қарай жыл сайын «Батыс Еуропа – Батыс Қытай» көлік дәлізі бойымен Қытайдан Еуропаға 50 млрд. доллардың өнімдері өтеді. Бұл туралы Астана экономикалық форумы аясындағы сессия жұмысында ҚР Ұлттық экономика вице-министрі Тимур Жақсылықов мәлім етті.
«Көлік инфрақұрылымы саласында негізгі жоба – «Батыс Еуропа – Батыс Қытай» көліктік дәлізі құрылысына байланысты болып отыр. Бұл ретте Қытайдан Еуропаға қарай ең қысқа автожол бағдары іске қосылады және ол барша Еуразиялық құрлықтың көліктік әлеуетін арттыруда үлкен маңызға ие. Сарапшылардың болжамынша, 2020 жылға қарай Еуропа мен Қытай арасындағы жыл сайынғы тауар айналымның 8 пайызға жуығы осы автомобиль дәлізі арқылы өтетін болады. Егер ақшалай есептейтін болсақ, бұл шамамен 50 млрд. долларға жетеді»,
-деді Т. Жақсылықов.
Жобаны жүзеге асырудың соңында аталған халықаралық дәліз бойынша жүк тасымалы 30 млн. тоннадан астам болады деп күтіліп отыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе