Гоада БРИКС саммиті басталды

14 просмотров

Оған мүше елдердің басшылары экономикадағы келелі мәселелер мен лаңкестікпен күресті талқылайды.

БРИКС-тің сегізінші саммиті Үндістанның Гоа штатында ресми түрде ашылды деп хабарлады РИА Новости.

БРИКС-ке мүше елдердің басшылары (Бразилия, Ресей, Үндістан, Қытай және Оңтүстік Африка) сенбіде бейресми жағдайда кездесіп үлгерген. Ал бүгін олар шағын құрамда кездесу өткізеді. БРИКС-тің Іскерлік кеңес өкілдерімен, ұлттық делегацияның қатысуында кезекті отырыс өткізіп біріккен құжаттарға қол қоймақ.

Сондай-ақ БРИКС елдерінің көшбасшылары BIMSTEC өңірлік бірлестіктің (Көпсекторлы техникалық және экономикалық әріптестікке арналған Бенгал шығанағының бастамасының) өкілдерімен кездесу өткізеді. Бұл бірлестікке Үндістаннан тыс Бангладеш, Бутан, Мьянма, Непал, Шри-Ланка, Таиланд енеді.

Загрузка...