EXPO-2017 көрмесі кезінде Гиннестің рекордтар кітабына енген таңғажайып қойылым қойылмақ

67 просмотров

EXPO-2017 көрмесі қонақтарына таңғажайып тарту жасалады.

Келер жылы маусым айында Астанада We Will Rock You, яғни «Біз Сізді таңғалдырамыз» әлемдік мюзиклінің тұсаукесері өтеді деп хабарлайды 24.kz.

Гиннестің рекордтар кітабына енген бұл қойылымды британдық режиссерлердің, хормейстер мен хореографтардың қатысуымен отандық өнерпаздар орындайды.

Жоба ұйымдастырушылары әлемдік туындыны елімізде сахналау мемлекеттік бюджеттен қосымша шығындарды қажет етпейді дейді.

Ғалым Ахмедьяров, ҚР Мәдениет және спорт министрінің орынбасары:

— Бұл мюзикл қазақстандық театрлар үшін жаңа жоба болмақ. Оған еліміздің ең үздік вокалистері мен Темірбек Жүргенов атындағы қазақ ұлттық өнер академиясының мюзикл әртісі мамандығын меңгерген алғашқы түлектер және Астанадағы Қазақ ұлттық өнер университетінің шәкірттері қатысады.

Загрузка...