Францияда Air France әуекомпаниясының ұшқыштары 4 күндік шеруді бастады. Қазірдің өзінде рейстердің 30 пайызы кейінге шегерілген. Осыған байланысты Францияда жалауын көтерген «Еуро-2016» футбол чемпионатына мыңдаған жанкүйер қатыса алмай қалуы мүмкін деп хабарлайды Би-Би-Си.
Ұшқыштар мен тілшілер үкіметтің еңбек туралы заңнан бас тартқанын қалайды. Жаңа реформа бойынша жұмыс күні ұзарып, қызметкерлерді жұмыстан шығару жолдары жеңілдетілмек.
Елдегі наразылық шаралары 3 айдан бері толастамай отыр. Мысалы, өткен айдың соңында мұнайөндіруші зауыт жұмыскерлерінің наразылығы елде жанар-жағармай тапшылығын тудырған.
Шеруге студенттер, зейнеткерлер, мұнай өңдеу зауыттары мен атом электр станцияларының жұмысшылары шыққан. Ал теміржолшылар мен қоқыс тасуға жауапты коммуналдық қызмет жұмысшылары әлі ереуілдетуде.