Ертең елордада Елбасы Владимир Путинмен кездеседі

50 просмотров

Нұрсұлтан Назарбаев 4-қазанда Астанада өтетін «Еуразия кеңістігінің көлік-логистикалық әлеуетін дамыту» атты Қазақстан мен Ресей өңіраралық ынтымақтастығы XIII форумының пленарлық отырысына қатысады.

Бұл туралы Ақорданың ресми сайтында хабарланды.

Іс-шара аясында Қазақстан Президентінің Ресей Федерациясы Президентімен екіжақты кездесуі, сондай-ақ олардың Қазақстан-Ресей бизнес-форумына қатысуы жоспарланып отыр.

Ресей президенті Владимир Путиннің ертең Астанаға келетінін Кремль де растады.

«4-қазанда Ресей Федерациясының президенті Владимир Путин Қазақстанға (Астанаға) барады. Путин мен Назарбаев Ресей мен Қазақстан қарым-қатынасы, Еуразиялық экономикалық одақ және өзге аймақтық бірлестік аясындағы ықпалдастықтың өзекті мәселелерін талқылайды», — делінген Кремльдің баспасөз қызметі хабарламасында.

Загрузка...