Ереванда шеруге шыққан адам өз-өзін өртеп жіберді (фото)

88 просмотров

Ереван қаласының орталығында наразылыққа шыққан адамдардың бірі өзін-өзі өртеп жіберді.

Баграмян даңғылында Армения президенті резденциясына жақын жерде 50 жастағы ер адам өзіне бензин құйып, жағып жіберді деп хабарлайды Армения жаңалықтары.

Бұл оқыс оқиғаны көргендер жабылып жүріп, жалынды сөндірді. Адам тірі қалғанмен, денесін күйік шалды.

Жедел жәрдем көлігін шақырғанымен, өз-өзін өртеп жіберген адам ауруханаға барудан бас тартты. Шеруге шығушылар оны таксиге отырғызып, үйіне жөнелтті.

Бұдан бұрын қарулы топты қолдаудың белгісі ретінде митингіге шыққандар полиция постын басып алып, Серж Саргсянның резиденциясына бет алды деп хабарланған болатын. Баграмян даңғылы жабық.

Кеше Астана уақытымен 19:00-де Армения билігі 17-шілдеде Еревандағы полиция бөлімшесін басып алғандарға ультиматум қойды. Қаруларыңды тастап шығыңдар, әйтпесе оқ жаудырамыз делінді. Осылайша арада атыс басталды. Тағы екі полиция көз жұмды. Олар кепілдегі полиция қызметкерлері көрінеді.

Полиция бөлімшесін басып алғандарды қолдап, оппозиция өкілдерінің бастауымен халық шеруге шықты. Оқыс оқиға осы кезде белең алды.

Загрузка...