Ерболат Досаев ұлттық кәсіпкерлер палатасының төралқа мүшесі болып сайланды

38 просмотров

«Бәйтерек» ұлттық басқарушы холдингі» АҚ басқармасының төрағасы Ерболат Досаев «Атамекен» ұлттық кәсіпкерлер палатасы төралқасының мүшесі болып сайланды.

Кәсіпкерлер палатасының үшінші съезінде «Атамекен» ұлттық кәсіпкерлер палатасының төралқа төрағасы Тимур Құлыбаев төралқа мүшелігіндегі Қуандық Бишімбаев пен Сабыр Есенбековтың өкілеттігін тоқтату туралы ұсыныс жасады.

— Осыған байланысты қоғам қайраткерлерін төралқа мүшелері ретінде сайлау үшін Ерболат Досаевтың, Мейрамкүл Досбаеваның, Дінмұхамбет Ыдырысовтың кандидатурасын қарау ұсынылады,- деді Тимур Құлыбаев.

Бұл ұсыныс съезд қарауына енгізіліп, делегаттар бірауыздан қолдады. «Ұлттық кәсіпкерлер палатасы туралы» заңнамаға сәйкес, палата төралқасы 52 мүшеден тұрады.

Загрузка...