ҚР Білім және ғылым министрлігі айқындық пен ашықтықты қамтамасыз ету мақсатында мемлекеттік жоғарғы оқу орындары ректорларын тағайындаудың жаңа ережелерін енгізеді.
Бұрын жоғарғы оқу орындарының ректорлары ҚР Білім және ғылым министрінің жеке шешімімен тағайындалатын. Ал биылдан бастап ректорлар сайлау арқылы тағайындалады деп хабарлайды министрліктің баспасөз қызметі.
Ректор лауазымына үміткерлер іріктеудің негізгі критерийлеріне толықтай сай келіп, университеттің даму бағдарламасын ұсынулары тиіс. Үміткер мақұлданған жағдайда, қадағалау кеңесі өз шешімін републикалық конкурстық комиссияға жолдайды.
Қадағалау кеңесі қолдаған кандидаттар саны үш адамнан кем болмауы керек. Алғашқы іріктеуден кейін үміткерлер ҚР Премьер-министрінің әлеуметтік мәселелерді қадағалайтын орынбасарының жетекшілігіндегі республикалық комиссияда сұхбаттасудан өткізіліп, алқалы негізде соңғы шешім қабылданады.
Мемлекеттік жоғары оқу орындарының ректорларын сайлау, ең алдымен, лауазымға тағайындалудың айқындығы мен ашықтығын қамтамасыз етпек. Сонымен қатар, конкурстық іріктеу нәтижесінде ең жақсы деп табылған жоғары оқу орнынының даму бағдарламасын қабылдауға мүмкіндік береді.