Еліміздің шығысы мен солтүстігінде күн салқын болады

11 просмотров

Еліміздің батысында, оңтүстік-шығысында, шығыста және орталықта жаңбыр жауып, найзағай ойнайды, екпінді жел соғады. Күндіз еліміздің шығыс өңірінде бұршақ жаууы ықтимал.

Тек республикамыздың солтүстігінде, солтүстік-батысында және оңтүстігінде ауа-райы жауын-шашынсыз болады деп хабарлайды Қазгидромет.

Алматы, Жамбыл, Оңтүстік Қазақстан облыстарының кей аумағында қатты жел тұрады деп күтіледі.

Шығыс Қазақстан облысының кей жерлерінде түнде және таңертең тұман түседі, күндіз желдің екпіні секундына 15-20 метрге жетеді, бұршақ жаууы ықтимал.

Павлодар, Қарағанды облыстарының кей жерлерінде тұман болады.

Күндіз Атырау, Батыс Қазақстан облыстарында, Маңғыстау, Ақтөбе, Қостанай облыстарының кей жерлерінде аптап ыстық күтілуде.

Қызылорда, Оңтүстік Қазақстан, Жамбыл облыстарының кей жерлерінде өте жоғары өрт қаупі сақталады.

Загрузка...