Қазақстан аумағының басым бөлігінде атмосфералық фронтальды бөліктердің өтуіне байланысты кей жерлерде жаңбыр жауады, найзағай болады, тек республиканың солтүстігінде ауа райы жауын-шашынсыз, кей жерлерінде тұман, желдің күшеюі сақталады делінеді ҚР ІІМ ТЖК баспасөз қызметі таратқан хабарламада.
Алматы, Қарағанды, сондай-ақ Шығыс Қазақстан, облыстарының кей жерлерінде күндіз жел 15-20 м/с күшейеді.
Батыс Қазақстан, Солтүстік Қазақстан облыстарының кей жерлерін тұман басуы ықтимал.
Шығыс Қазақстан облысында, Ақмола, Қарағанды облыстарының кей жерлерінде 5 градусқа дейін күн суытады.
Ақтөбе облысының кей жерлерінде өте жоғары өрт қаупі сақталады.